Balik-Tanaw sa pagtatanghal “Romansa ni Magno Rubio” (tags)
Magaan ang dating ngunit mabigat at madamdamin ang palabas o dulang “Romansa ni Magno Rubio” na itinatanghal ngayon sa Los Angeles. Bagamat sa Ingles ko napanood ang pagtatanghal, napanatili nito ang damdaming Pilipino. Mapusok, galit ngunit romantikong makapapangyarihang pagsasalarawan ng kalagayan ng mga manggagawang-bukid ( farm workers) na Pilipino sa panahon ng kolonya pa ng Amerika ang Pilipinas . Ibinatay ang dula sa isang maikling kwento ni Carlos Bulusan.
TUMITINDI ANG BAKBAKAN NG NPA AT AFP SA AURORA (tags)
Ibinalita ngayon ng PESANTE NEWS na nakabase sa Los Angeles na nakalap mula sa internet wires na umiigting na labanan sa pagitan ng mga New People?s Army (NPA) at ng mga tropa ng 48th IB Philippine Army sa probinsya ng Aurora, sa hilagang bahagi ng Central Luzon. Ayon sa PESANTE NEWS, isang engkwentro ang naganap sa pagitan ng mga pwersa ng NPA Aurora at mga tropa ng 48th ?Cedula/Berdugo? Battalion sa kabundukan ng Brgy. Dikapinisan, San Luis, Aurora noong Agosto 23, 2011. Ito ay nagsimula ng ganap na alas-6:30 ng umaga. Naka-maniobra palayo ang yunit ng NPA pag-abot ng alas-7 ng umaga. Nagpatuloy ang walang direksyong pagpapaputok ng mga militar hanggang lampas tanghali nang magdatingan ang kanilang sumaklolong helicopter . Malaki ang pinsala ng mga sundalo ng 48th IB. Ayon sa mga mapagkakatiwalaang mga impormante sa hanay mismo ng militar, pulisya, at marami pang mga sources ng kilusan, aabot ng 7 ang napatay na mga sundalo sa labanan, at 6 ang mga sugatan.
BINATIKOS ANG PAHAYAG NI AQUINO III (tags)
-Ayon sa grupong tagapamalita ng ALLIANCE NEWS na nakabase sa Los Angeles, Ipinahayag ngayon ng rebolusyonaryong kilusan sa Pilipinas na pawang kasinungalingan at panakip-butas ang laman ng talumpati ni Benigno Aquino III sa pagbubukas ng reaksyunaryong kongreso noong Hulyo 25. Pilit niyang pinalalabas na gumaganda na ang kalagayan ng bansa at patuloy ang mga pagbabago. Tinangka niyang ibalik ang tiwala ng mamamayan sa reaksyunaryong gubyerno. Pero sa desperasyon niyang takpan ang katotohanan, lalo lamang niyang ihiniwalay ang kanyang rehimen sa mamamayan. Dinagdagan lamang ni Aquino ang kawalan ng tiwala at pag-asa ng bayan sa naghaharing sistema.
NHUSTISYA PINAIIRAL NG KORTE SUPREMANG CORONA SA DESISYONG PABOR KAY WEBB (tags)
Tulad ng inaasahan, ngunit nakakabigla pa rin--ipinawalang-sala ng bulok na Korte Supremang Corona si Hubert Webb at ang mga kasamahan nitong napatunayan ng nakababang korte na may sala sa karumaldumal na krimeng masaker sa Pamilya Vizconde. Ipinaabot ng Pesante-USA na nakabase sa Amerika ang taus-pusong pakikiramay sa ama ng pamilyang Vizconde na si Lauro Vizconde na muling binigyan ng korona ng patay ng Korte Supremang Corona na sagad sa buto ang kawalang hustisya.
ISULONG ANG TUNAY AT MAKABULUHANG PAGBABAGO! TAMA NA ANG PANGAKO AT PORMA! (tags)
Sisisihin ang nakaraan, mangako para sa kinabukasan. Ito ang laman ng unang talumpati sa SONA ng bagong pangulo Noynoy Aquino III sa sambayanan noong Hulyo 26 saharap ng burgis na Kongreso. Nangako itong papawiin ang korupsyon para mapaglingkuran ang bayan. Isinisi nito ang kawalan ng pera sa nakaraang rehimen at nangakong uusigin ito. Sinalubong ito ng palakpak ng mga nasa Kongreso. Tignan natin kung magkakatotoo ang mga pangako.
KAWALAN NG USAPANG PANGKAPAYAPAAN : (tags)
Ayon sa nakalap na balita ng PESANTE BULETIN, dahil sa kawalan ng usapang pangkapayapaan, lalong tumitindi ang labanan sa kanayunan sa pagitan ng AFP at ng NPA. Ayon sa mga balita dumarami ang namamatay sa mga sunud-sunod na ambus at labanan sa pagitan ng NPA at ng mga tropa ng armi sa iba't ibang dako ng bansa. Ayon sa PESANTE Buletin hindi interesado ang kasalukuyang pangulo sa usapang pangkapayapaan at sinusunod nito ang utos ng Amerika na lipulin ang MILF at ang NPA sa pamamagitan ng lakas ng militar at ng diumano'y pang-papaunlad.
HINGGIL SA PAPASOK NA REHIMENG AQUINO (tags)
Nanalo si Noynoy Aquino dahil sa bago maghalalan siya ang pinili ng mga imperyalistang Amerikano at mga lokal na naghaharing uri ng malalaking komprador at asendero na maging bagong pangulo ng naghaharing sistema. Sa kabila ng pagkukunwaring umaasa siya sa piso-piso mula sa karaniwang mga tao, sa kanya idinagsa ng malalaking negosyanteng dayuhan at Pilipino ang kanilang suporta sa kampanya. Sa kalaunan ng kampanya, hinigitan ni Noynoy si Manny Villar sa paglikom at paggamit ng pera para sa iba't ibang tipo ng propaganda. Sinuportahan si Noynoy ng malaking mass media. Tuso sa propaganda ang mga alalay niya. Para mapagtakpan ang kasalatan niya sa track-record at kakayahan, pinatingkad ng kanyang media handlers ang palagay na siya ay malinis na tagapagmana ng tatay at nanay niya at ang pagbatikos sa korapsyon ng rehimeng Arroyo. Kaugnay nito, sa pariralang Villaroyo, tumalab ang hambalos ng kampong Noynoy na ahente ni Arroyo si Villar dahil hindi siya umaatake kay Arroyo. May mga palatandaan din na sa automated electoral system ng Smartmatic, na kontrolado ng US at mga ahente nila, may naganap na preprogramming para panaluhin sina Aquino at Binay. Halatang kinabigan ng napakalaking boto sina Manny Villar at Loren Legarda. Overkill at di kapanipaniwala ang biglang pagbagsak nila. May mga ulat na matataas na kinatawan ng CIA, pamilya ni Aquino at rehimeng Arroyo ang nagpasya sa pre-programming anim na linggo bago araw ng halalan. Ang pag-uusap nina Pinky Aquino-Abellada at Ginang Arroyo ang nagbigay daan sa ganitong areglo.
Analisis sa Eleksyong 2010 (tags)
Sa wari dahil nagsalita na ang taumbayan. Tinanggap na ang rebolusyonaryong kilusan ang hatol ng bayan at kinilala ang sintimyentong anti-GMA at maagap na naghain ng mga hamon at kahilingan sa bagong uupong pangulo. Ito ay dapat dahil kailangang singilin ang mga pulitiko sa kanilang mga pangako. Ang malakas na lakas ng agos ng sintimyentong anti-GMA ang nagtaboy sa mga hidhid na alipures ni GMA tulad nina Palparan, Gonzales,Ermita, Esperon, Devanadera, Bolante, Atienza at iba pa. Gayunman nakapanatili sa pwesto ang papaalis na pangulong GMA at ag kanyang mga alagad. Maging ang imperyalismong US ay hindi nakahuma at pumayag na lamang sa kosmetikong pagbabago paara payapain ang nagpupuyos na loob ng masa. Sa labanan ng dalawang departamento, nanalo ang manok ng State Department sa manok ng Depense department sa nakaraang eleksyon.
Analisis sa Eleksyong 2010 (tags)
Sa wari dahil nagsalita na ang taumbayan. Tinanggap na ang rebolusyonaryong kilusan ang hatol ng bayan at kinilala ang sintimyentong anti-GMA at maagap na naghain ng mga hamon at kahilingan sa bagong uupong pangulo. Ito ay dapat dahil kailangang singilin ang mga pulitiko sa kanilang mga pangako. Ang malakas na lakas ng agos ng sintimyentong anti-GMA ang nagtaboy sa mga hidhid na alipures ni GMA tulad nina Palparan, Gonzales,Ermita, Esperon, Devanadera, Bolante, Atienza at iba pa. Gayunman nakapanatili sa pwesto ang papaalis na pangulong GMA at ang kanyang mga alagad. Maging ang imperyalismong US ay hindi nakahuma at pumayag na lamang sa kosmetikong pagbabago paara payapain ang nagpupuyos na loob ng masa. Sa labanan ng dalawang departamento, nanalo ang manok ng State Department sa manok ng Depense department sa nakaraang eleksyon.
Panimulang Analisis sa Nakaraang Eleksyon (tags)
Tapos na eleksyon sa Pilipinas at nagsalita na ang taumbayan! Sa lakas ng agos ng sintimyentong anti-GMA ang mga hidhid na alipures ni GMA tulad nina Gonzales,Ermita, Esperon, Devanadera, Bolante, Atienza ay hindi binoto ng masa. Sa Isabela, balik pwesto si Grace Padac na tinalo ni Bodjie Dy ng dinatiyang Dy ng Isabela at si Among Ed ay tinalo ng kilalang hweteng queen ng Pampanga na si Lilia Pineda, kumare ni GMA. Nakakalungkot din na ang mga Marcos ay balik-pwesto dahil sumakay sila sa agos na anti-GMA. Maging si Erap na nag-anti-GMA ay sumegunda pa kay Aquino. Ngunit ang mahigit na limang milyong lamang ni Aquino ay napakahirap ng dayain kahit nang COMELEC. Malayong-malayo sa pagdaya ni GMA kay FPJ noong 2004.
UTOS NA DOJ PABOR SA AMPATUAN- UTOS NI GMA, TALAMAK NA KAWALANGHIYAAN! (tags)
“ Sagad sa butong kawalanghiyaan!” Ito ang naibulalas ng Philippine Peasant Support Network (PESANTE))-USA na nakabase sa Los Angeles sa desisyon ng Department of Justice Secretary Agra na nagbasura sa kasong murder ng dalawang Ampatuan noong nakaraang Biyernes. Ayon pa kay Arturo P. Garcia ng Pesante “ Maliwanag na utos ito ni GMA at paghahanda ito para pawalang wala ang mga Ampatuan at gamitin ang mga ito lalo na si dating Governor ng ARMM Zaldy Ampatuan na muling mandaya sa darating na eleksyong Mayo 10, 2010” ayon sa PESANTE-USA.
Sunod sunod na mga taktikal na opensiba ngayong Enero ng NPA sa Bicol (tags)
Napag-alaman ngayong PESANTE NEWS na ayon kay Gregorio Banares ng NDF-Bicol na sunud-sunod na taktikal na opensiba ang isinagawa ng NPA sa Bicol laban sa 9th ID, Philippine Army. Ayon din sa NDF-Bicol, koordinado at magkakasunod na mga taktikal na opensiba sa buong rehiyon ang pambungad na bigwas ng Bagong Hukbong Bayan sa berdugo at pasistang 9th Infantry Division-PA at PNP sa taong 2010.
Alisin ang piring sa mata ng sambayanan! (tags)
Nais kong makiisa sa National Democratic Front-Mindanao sa isinasagawa nitong programa ng pagkilala at pagpugay sa mga taong-midya na nag-aambag sa pagsisikap ng sambayanang Pilipino na itaguyod ang katotohanan, ilantad ang pagsasamantala at pang-aapi sa mamamayan, iwaksi ang mga kasinungalingan ng mga bulok na naghahari, at tuluy-tuloy na itaguyod ang mga makatarungang interes ng mamamayan. Nitong nagdaang halos isang dekada, nakapailalim ang mamamayang Pilipino sa paghahari ng isang buktot na rehimeng walang lubay sa pambabaluktot sa katotohanan at sa pagsisikap na maitago ang maraming krimen at katiwalian nito. Sa layong bulagin ang sambayanan, nagpakadalubhasa si Gloria Arroyo at ang mga masugid niyang tagasunod sa paglulubid ng buhangin at sa pambubusal o pagpapatahimik sa mga nakaaalam sa kanyang mga krimen at katiwalian.
Mga warlord, inaruga ng mga rehimeng tuta ng Imperyalismong US (tags)
Matagal nang kilala ang angkang Ampatuan sa pagiging mababagsik na warlord. Subalit pinasahol pa ito ng naghaharing rehimeng Arroyo. Bago maganap ang madugong masaker sa Maguindanao, mahigpit na nakapailalim sa kapangyarihang pyudal-militar ng warlord na angkang Ampatuan ang prubinsyang ito at ang Autonomous Region in Muslim Mindanao (ARMM). Mula pa noong dekada 1930, sa panahon ng tuwirang kolonyalismo ng US ay naghahari na sa mga bahaging iyon ng Mindanao ang angkan. Mahigpit silang nakikipagtulungan sa mga pwersang militar, paramilitar at pulisya ng sunud-sunod na papet na reaksyunaryong rehimen. Pinakabase ng pampulitikang kapangyarihan nila ang sangkatlo ng mga munisipalidad sa prubinsya ng Maguindanao.
LABANAN ANG BATAS MILITAR AT LAHAT NG PAKANA NG PASISTANG REHIMENG US-ARROYO NA PALAWIGIN (tags)
“ Nililikha naming ang krisis. Ginagawa naming ito at pinatatakbo”- Mike Arroyo. Kaisa ng mamamayang Pilipino at lahat ng demokratikong organisasyon sa Pilipinas ang Alyansa-Pilipina (AJLPP) upang kondenahin at labanan ang E.O. 1959 na nagdedeklara ng batas militar at pagsusupindi ng writ of habeas corpus sa Maguindanao. Huli na at mali pa ang hakbang ng Rehimeng pilit kunwaring nagbabangong puri sa kawalanghiyaan nito. Nais lamang ilatag ng deklarasyong ito ang planong pagpapalawak ng batas militar sa hinaharap. Inilalatag din nito ang mga maniobrang legal upang gawing legal ang pasistang paghahari ng pangkating Arroyo sa hinaharap.
PARUSAHAN ANG MGA AMPATUAN: UTAK NG MASAKER SA MAGUINDANAO (tags)
Kung gaano kabilis magpaaresto si GMA sa kanyang mga kalaban, gaanong kabagal naman at kaingat siya sa pagprotekta sa katulad na warlord na si Ampatuan na gumawa ng karumaldumal na masaker sa Magunidanao. Ayon sa tagapagsalita nitong si Melvin Barcenas ng Los Angeles, nakapangngangalit ang pahayag na GMA na “ kaibigan pa rin niya ang mga Ampatuan” kaya ganong kaingat sila sa pagprotekta dito. Ayon sa mga balita umabot na sa 67 ang nahukay na bangkay kabilang ang 22 babae na kanilang ginahsa bago pinatay, 30 mamamahayag at maging mga walang malay na sibilyan na napadaan lamang. Ito rin ang pikamaraming myembro ng media na namatay sa loob ng isang araw sa kaysaysan ng mundo.
MASAKER NG 57 TAO SA MAGUINDANAO, PATUNAY NG BUHAY ANG WARLORDISMO (tags)
Kung gaano kabilis ideneklara ni GMA ang “ national state of emergency" at iutos na ipaaresto ang demokratiko oposisyon tulad ni Crispin Beltran at mga rebeldeng militar, gaanong kabagal naman ang kanyang reaksyon sa mga gumawa ng karumaldumal na masaker sa Maguindanao. Ito ang pahayag ng Pesante-USA ayon sa tagapagsalita nitong si Melvin Barcenas ng Los Angeles sa mariin nitong pagkondena sa karumaldumal na krimeng pumuti ng buhay ng may aabot sa 57 katao noong Nobyembre 22. Ayon sa mga balita umabot na sa 57 ang nahukay na bangkay kabilang ang 21 babae, 21 sa napabalitang 34 na mamamahayag at maging mga walang malay na sibilyan na napadaan lamang. Ito rin ang pikamaraming myembro ng media na namatay sa loob ng isang araw sa kaysaysan ng mundo.
ABUSO NG MILITAR LUMULUBHA SA SAMAR-LEYTE (tags)
Ibinabalita ngayon ayon sa mga nalikom na balita ng Pesante New na lumulubha ang paglabag sa karapatang pantao sa mga isla ng Samar at Leyte. Ito ang iniulat ng mga grupong pangkarapatang pantao sa Pilipinas. Ang mga abusong militar diumano ay dahil sa sa sunud-sunod na kabiguan ng militar na puksain ang rebolusyonaryong kilusan sa Eastern Visayas, ipinatutupad dito ng 8th Infantry Division ng Philippine Army (8ID-PA) ang mababagsik na operasyong militar na bumibiktima sa maraming sibilyan.
BAKBAKAN NG AFP AT MILF, TUMITINDI (tags)
Tumitindi ang bakbakan ng MILF laban sa AFP ganoon din ang iba’t ibang pwersang military tulad ng NPA na lumalaban sa rehimeng US-Arroyo. Ayon sa mga balitaan na nakuha ng PESANTE NEWS, mahigit 15 tropa ng AFP ang napatay at mahigit 38 ang nasugatan sa matinding labanan sa probinsya ng Maguindanao ng maglaban ang mga tropa ng MILF sa ilalim nila Commander Umbra Kato at Bravo laban sa 10th Army division.
TAMA NA ANG PASIKAT, LUTASIN ANG MGA PAGLABAG SA KAPAPATANG PANTAO! (tags)
“Kung ayaw, maraming dahilan, kung gusto, gagawin ng sapilitan.” Buong tapang at lakas na kinokondena ng Alliance-Philippines (AJLPP) na nakabase sa United States ang rehimeng US-Arroyo sa bagong pakanang pulitikal na ito at hinahamon ang rehimeng lutasin ang mga krimeng pulitikal at paglabag sa karapatang pantao . Ayon pa sa AJLPP; “ Dapat nang tigil ang mga pasikat ng rehimeng na panay ingay at walang aksyon. Huwag gamitin ang kaso nina Col Mancao at Dumlao sa pulitika. Bigyang katarungan ang mga biktima ng karahasan tulad ni Dacer at maraming ibapa. “
Ang Balikatan ay Instrumento ng Pandaigdigang Terorismo ng US sa Pilipinas (tags)
Nandito na sa Lalawigan ng Sorsogon ang BALIKATAN, isang magkasanib na ehersisyong militar ng armadong pwersa ng US at ng Armed Forces of the Philippines (AFP), sa ilalim ng Visiting Forces Agreement (VFA) at Mutual Logistics Support Agreement (MLSA). Layunin diumano ng BALIKATAN na sanayin at paunlarin ang kakayahan ng AFP sa pagsugpo sa terorismo.
REKONSENTRASYON NG LUPA SA CAGAYAN VALLEY (tags)
Lumalala ang unti-unting rekonsentrasyon ng mga lupain sa kamay ng mga bagong tipong panginoong maylupa sa Cagayan Valley. Naiilit ang mga lupa ng mga magsasaka o kaya’y naoobliga silang magbenta nito dahil hindi na nila mabayaran ang kanilang mga inutang. Ito ang inuulat ng isang bagong pag-aaral na nasagap ng Pesante-USA mula sa pahayagang lihim- ANG BAYAN, isyu na nailatahala nitong Disyembre 21, 2008.
Hinngil sa Wikang Pilipino at Sobinismong Ethnolingwistiko (tags)
May tatlong usapin na nakikita kong mahalagang linawin hinggil sa usapin ng pagpapalaganap ng Wikang Pambansa, ang Wikang Pilipino. Ang unang usapin ay ang usaping ang Pilipino nga ang pambansang wika ayon sa isinasaad ng Saligang Batas ng 1935 , Konstitusyon ni Marcos ng 1973 at ng 1987. ngunit ang Ingles naman ang isang sa mga opisyal na wika na ipinapalagay ng iba na usapin sa batas. Pero higit sa anu’t anu paman ito ay usapin ng dignidad ng isang pambansang wika laban sa isang itinakdang opisyal na wika. Ikalawa, ang usapin ng sobinismong Ethno-lingwistiko na laganap pa rin sa Pilipinas at sa anumang lupalop ng mundo na may komunidad na Pilipino. Ang ikatlo ay kung ano ba ang Filipino-English. Ano bang klaseng wika ito? Nais kong ipahayag ang aking pananaw hinggil sa mga usaping ito.
Hinggil sa Wikang Pilipino at Sobinismong Ethnolingwistiko (tags)
May tatlong usapin na nakikita kong mahalagang linawin hinggil sa usapin ng pagpapalaganap ng Wikang Pambansa, ang Wikang Pilipino. Ang unang usapin ay ang usaping ang Pilipino nga ang pambansang wika ayon sa isinasaad ng Saligang Batas ng 1935 , Konstitusyon ni Marcos ng 1973 at ng 1987. ngunit ang Ingles naman ang isang sa mga opisyal na wika na ipinapalagay ng iba na usapin sa batas. Pero higit sa anu’t anu paman ito ay usapin ng dignidad ng isang pambansang wika laban sa isang itinakdang opisyal na wika. Ikalawa, ang usapin ng sobinismong Ethno-lingwistiko na laganap pa rin sa Pilipinas at sa anumang lupalop ng mundo na may komunidad na Pilipino. Ang ikatlo ay kung ano ba ang Filipino-English. Ano bang klaseng wika ito? Nais kong ipahayag ang aking pananaw hinggil sa mga usaping ito.
GYERA SA MINDANAO-LUMALALA (tags)
Ayon sa pinakahuling ulat ng grupong Pesante-USA, parami nang parami ang bilang ng mga sibilyang Morong binibiktima ng mababangis na operasyong militar ng Armed Forces of the Philippines (AFP) sa ilang bahagi ng Mindanao. Ayon sa ulat ng International Committee of the Red Cross (ICRC) na nahalaw ng Pesante, noong Oktubre 29, sa mga evacuation center sa Datu Piang, Maguindanao pa lamang ay mayroon nang 55,000 indibidwal na nagsilikas sa kani-kanilang mga tahanan, mula sa 35,000 katao noong Agosto. Mula Agosto hanggang ikatlong linggo ng Oktubre, umaabot na sa 127,164 pamilya o 611,753 indibidwal ang naaapektuhan ng mga sagupaan sa pagitan ng MILF at AFP sa mga prubinsya ng Lanao del Norte, Lanao del Sur, Sultan Kudarat at Maguindanao.
PAHAYAG NG PESANTE-USA SA PLANONG PAGPAPALAYA KAY ROLITO GO (tags)
Saksakan ng kawalang walang budhi at sadyang maiitim ang buto. Kung mailalarawan lamang ng mga salitang ito ang mga kagagawan ng rehimeng Arroyo, marahil sasapat na sabihin kung gaano kasama ang ginagawa ng rehimen sa mga mamamayan nito. Baka parang asin na natunaw na sila kung sila ay may kahihiyan. Sukdulan na ang pagiging walanghiya ang rehimen. Matapos bigyan ng patawad ang mga nagkasalang kriminal tulad nina Manero, Martinez , Claudio Teehanke Jr. na walang awang pumatay ng dalawang kabataan noong 1991. At ngayon naman plano diumano ng rehimeng Arroyo na palayain si Rolito Go.
KASAYSAYAN NG PANG-AAGAW NG LUPA SA MGA NINUNO NG MGA MAMAMAYANG MORO (tags)
Ang artikulong ito ay inillathala ng Pesante-USA upang itaguyod ang karapatan sa sariling pagpapasya ng mga mamamayang Moro sa Mindanao. Ito ay nalathala sa internet noong Set.7, 2008. Sa amin ang sariling salin at editing)
Panawagan sa Mamamayang Moro: Ipagpatuloy ang Diwang Mapanlaban, Biguin ang Atake ng USAR (tags)
Ngayon sa panahon ng Ramadan, hinihimok ng Moro Resistance and Liberation Organization ang mamamayang Moro na isabuhay ang ispiritu at panawagan ng Qur'an sa pagpapatupad ng tunay na kapayapaan at hustisya at paglaban sa pag-aapi at tiranya sa pamamagitan ng pag-igting ng pakikibaka para sa sariling pagpapasya at pagbigo sa atake ng rehimeng US-Arroyo.
WALANG AWAT NA KILOS PROTESTA SA PILIPINAS (tags)
Sunud-sunod na kilos-protesta ang inilunsad nitong nagdaang mga araw, laluna ng mga kabataan, laban sa tuluy-tuloy na pagtaas ng presyo ng mga produktong petrolyo at sa pagtanggi ng rehimeng Arroyo na alisin ang ipinapataw nitong buwis sa mga ito. Papalaki at papadalas na mga kilos-protesta ng mga kabataan. Umabot sa mahigit 5,000 estudyante at kabataang di nakapag-aaral ang nagmartsa patungong Mendiola nitong Hulyo 18. Sa panawagang “Kabataan at Bayan, Mag-aklas,” nag-walkout ang libu-libong estudyante mula sa kani-kanilang eskwelahan. Iginiit nila ang pagbabasura sa value added tax (VAT) sa langis, ang pagbabasura sa Oil Deregulation Law at ang pagsasabatas sa P125 across-the-board na umento sa sahod.
OPERASYONG MILITAR SA MINDANAO, LUMALALA (tags)
iulat ng Pesante-USA ang napabalitang malawakang operasyong militar sa Sulu at Davao, malawakang pagpapalikas pambubugbog at iligal na pang-aaresto ang tampok sa mga paglabag sa karapatang-tao noong buwan ng Abril.
Malawakang Operasyong Militar sa Mindanao, Abusong Militar Iniulat (tags)
Iniulat ng Pesante-USA ang napabalitang malawakang operasyong militar sa Sulu at Davao, malawakang pagpapalikas pambubugbog at iligal na pang-aaresto ang tampok sa mga paglabag sa karapatang-tao noong huling linggo ng Abril.
Iligal na pang-aaresto at panggigipit mula Marso hanggang unang linggo ng Abril (tags)
Iligal na pang-aaresto at panggigipit ang tampok sa mga paglabag sa karapatang-tao ng rehimeng Arroyo nitong nakaraang Marso 10 hanggang Abril 3.
Kaso ng Masaker Sa Sulu Isasampa ng SBM at MILF sa UN (tags)
- Isasampa ng Suara Bangsamoro o Suara at ng Mor Islamic Liberation Front sa United Nations Huma Rights Council ang karumal-dumal na masaker ng mg elemento ng Special Warfare Group ng Philippine Nav at Light Reaction Company ng Philippine Army sa walong sibilyan sa Ipil, Maimbung, Sulu noong madaling araw ng Pebrero 4. Ito'y matapos absweltuhin ng AFP ang mga sundalong responsable sa masaker. Ayon kay Amira Lidasan, pambansang pangulo ng Suara, hindi kapani-paniwala ang resulta ng imbestigasyon ng AFP na nagsasaad na may nangyaring labanan sa pagitan ng militar at mga elemento ng Abu Sayyaf. Wala pa mang imbestigasyon ay idineklara na dati ng AFP na pawang mga elemento o tagakanlong ng Abu Sayyaf ang mga biktima. Inulit lamang ito ng AFP nang ianunsyo nitong Pebrero 28 ng Judge Advocate General's Office ng Western Mindanao Command ang pagkaabswelto ng mga sangkot na sundalo matapos ang sariling imbestigasyong ginawa umano ng militar.
Karahasang Militar Lumalala: Lider ng KMP, inaresto; pastor, pinatay ng militar (tags)
Kabilang sa mga karumal-dumal na krimen ng rehimeng Arroyo nitong nakaraang mga linggo ang pagpaslang sa isang pastor ng UCCP sa Leyte at pagpatay sa isang aktibista sa Bohol. Sa kanayunan ng Tagum, nagpapatuloy ang sapilitang paglikas ng mga residente dahil sa matitinding operasyong sa kanilang mga lugar. Sa Maynila, mahigit 80,000 residente ang mawawalan ng tirahan dahil sa proyektong riles. Sa Negros, inaresto ang isang lider ng KMP, at sa Palawan, dalawang pinaghihinalaang myembro ng Bagong Hukbong Bayan (BHB) ang dinukot ng militar. Isa ring lider-masa sa Cebu ang dinukotat dalawang araw na itinago ng militar bago siya makatakas.
Huwag Kalilimutan ang Mga Krimen ng Diktador na si Suharto Laban sa Mamamayang Indones (tags)
Para sa mga makabayang Pilipino hindi dapat malimutan o patawarin ang mga krimen ng yumaong diktador ng Indonesia na si Heneral Suharto laban sa mga Indones at Sillangang Timor. Dahil dito, mariing kinokondena ng Pesante-USA ang pagbibigay ng gobyernong Indones at ng kanyang mga kasabwat sa militar ng parangal kay Suharto. Namatay si Suharto nang hindi napagbayaran ang mga krimen niya laban sa mamamayan.
Pananalanta ng pasistang estado, Nagpapatuloy (tags)
Nagpapatuloy ang pasistang pananalanta ng AFP sa buong Pilipinas. Ayon sa ulat ng AJLPP,walang puknat ang mga pamamaslang at iba pang abusong militar sa bansa. Isang lider magsasaka ang pinaslang sa Masbate at isang lider kabataang Moro ang pinatay sa Zamboanga Sibugay nitong Enero. Patuloy din ang harasment sa mga progresibo at panggigipit sa masang magsasaka sa kanayunan. Ayon pa rin sa ulat mula sa Pilipinas ay nagpapatuloy ang mga pagpataya mga lumalaban sa pamahalaan.
Militarisasyon sa kanayunan ng Pilipinas lalong tumitindi-AJLPP (tags)
Patuloy ang pamamaslang ng mga berdugo ni Arroyo sa mga lider-masa at tagasuporta ng progresibong kilusan. Nitong Disyembre, isang makamasang konsehal ng bayan ang binaril sa loob ng kanyang upisina sa Masbate. Sa Quezon at Surigao, biktima ng dislokasyon ang libu-libong mamamayan kabilang ang maraming bata dahil sa militarisasyon. Sa Compostela Valley, isang lider-manggagawa ang pinagbantaang papatayin. Samantala, dalawang pinaghihinalaang kadre ng Partido ang dinukot at tinortyur sa Nueva Ecija noong huling linggo ng Nobyembre.
Mahigit 16,000 biktima ng paglabag sa karapatang-tao, naitala ng Karapatan (tags)
Iniulat ngayon ng AJLPP ayon sa tipong ulat ng KARAPATAAN, grupong nagtatanggol sa karapatang pantao na umabot sa 330 insidente ng paglabag sa karapatang-tao na bumiktima sa 16,307 katao ang naitala ng Karapatan ngayong taon 2007. Kabilang dito ang mga sumusunod
Pagtatangol sa Sosyalismo. Tungkulin ng mga Chavista sa Venezuela (tags)
Pagtatangol sa Sosyalismo. Tungkulin ng mga Chavista sa Venezuela Los Angeles--Pagkaraang dumanas ng pagkabigo sa referendum na sana ay magkokonosolida sa sosyalismo sa Venezuela nong Disyembre 7,2007 ibinaling ng Partido ng Pagkakaisa Para sa Sosyalismo ang kanilang atensyon sa pagkokonsolida ng kanilang pwesa. Inamin ni Presidente Hugo Chavez ang kamalian ng pagkaabante sa kakayahan ng masa na tumanggap ng pagbabago. Gayunman kinilala niya na maliit lamang ang lamang ng panalo ng oposisyon-50.7% laban sa 49.7% ng mga sosyalista. Gaya ng resulta ngh referendum. Malaking porsyento ng bomoto kay Chavez ang hindi bomoto o nagabstain.Maaalalang nanalo si Chavez ng malaking kalamangan san akraang halalan sa pagkapagulo isang taon pa lamang ang nakaraan. Ihiharap sa nakaraang refrendum ang mga pagbagaong tutn go sana sa sosyalismo na umaabot sa 69 emyeda hiil sa pagbabago ng taning sa panunugkulan ni Chavez na ginawang isyu ng kanyang mga kalaban. Nagbibintang ang mga oposisyong maka-US nang diumano ay pag-agaw ng kapangyarihan o isang kudeta ni Chavez ang referendum noong Disyembre. Pinatunayan na maginoong tinanggap ni Chavez ang pagkatalo at natuto sa mga pagkakamali sa kampanya. Kabuluhan ng Pangyayari sa Latin Amerika “Malaki ang kabuluhan sa mga bansa sa Latin Amerika ng pagbabagong pulitikal sa Venezuela.” Ayon kay Brian Becker, koordinador ng International ANSWER sa Estados Unidos nang siya ay hingan ng pahayag ng AJLPP hinggil sa usaping ito. “Mahirap para sa sosyalista na magmaniobra sa ialim ng estadong gumagamit ng burges na pulitika at pamamaraan tulad ng eleksyon at mga referendum. Kailgang handa ang mga sosyalista sa armadong panghihimasok ng US at mga kasapakat niotng burgesya sa Venezuela dahil hindi sila titigil na manggulo sa loob ng bansa.” “ Pinaaalahanan na ni Fidel Castro ng Cuba si President Hugo Chavez na mag-ingat at umiwas sa pagtatangkang siya ay patayin sa asasinasyon ng CIA at nga kanyang mga kaaway. Walang mawawala sa mga Chavista kung sila ay mag-iingat ayon kay Becker.
3,000 lumikas sa Surigao (tags)
Napagalaman ngayon ng AJLPP na lumulubha ang mga paglabag sa karapatang pantao sa Mindanao lalong lalo na sa mga probnsya ng Surigao at Davao. Umaabot na sa halos 3,000 magsasaka an lumikas mula sa 12 komunidad ng Surigao de Sur habang nagpapatuloy ang mga operasyon militar ng mga pwersa ng Eastern Mindanao Comman laban sa Bagong Hukbong Bayan Ayon sa Karapatan-Surigao del Sur Chapter, aabutan na ng Pasko ang mga bakwit sa mga sentro ng ebakwasyon dahil sa mga operasyong militar sa mga bayan ng Lianga, San Agustin, San Miguel, Cagwait at Tago na nagsimula noon pang huling bahagi ng Oktubre.
Mahigit 16,000 biktima ng paglabag sa karapatang-tao, naitala ng Karapatan (tags)
Iniulat ngayon ng AJLPP ayon sa tipong ulat ng KARAPATAAN, grupong nagtatanggol sa karapatang pantao na umabot sa 330 insidente ng paglabag sa karapatang-tao na bumiktima sa 16,307 katao ang naitala ng Karapatan ngayong taon 2007
ILITAW SI KASAMANG LEO VELASCO--FQSN (tags)
Mahigit nang anim na buwan mula nang garapalang dukutin ng mga operatibang militar ng rehimeng Arroyo si Kasamang Leo Velasco sa Cagayan de Oro City. Sa harap ng maraming tao, sapilitan siyang isinakay ng mga militar sa kanilang van, kasabay ang pagpapakilala sa sarili bilang mga pwersang panseguridad at pagbabanta sa mga tao sa paligid na "huwag makialam." Aktibista ng FQS si Ka. Leo Bilang mga aktibista ng First Quarter Storm Network sa Amerika, nagpapahayag kami ng marubdob na hangarin at panawagang Ilitaw si Ka. Leo Velasco, aktibista ng UP College of Medicine na sumapi sa Bagong Hukbong Bayan (NPA) noong 1971. Dinakip siya at magpahanggang ngayon ay ayaw ilitaw ng militar. Napakarami nang beterano ng FQS ang patuloy pa ring nakikibka sa iba'tibang antas at nagpapatuloy sa pagsusulong ng demokratikong kilusan apra palayain ang bayang Pilipinas sa pangaaapi ng Imperyalistang dayuhan at kamtin ang pambansang demokrasya.
PAMAMASISTA NG REHIMENG-US ARROYO, LUMALALA (tags)
Patuloy na lumalala ang ang panggigipit at panunupil ng pasistang rehimeng Arroyo sa mamamayang Pilipino. Ayon sa ulat ng AJLPP mula sa iba’t-ibang panig ng Piipinas, Pinakatampok nitong Agosto ang pagmamanman at harasment sa tatlong upisyal ng Gabriela Network USA. Bagamat nakauwi na sa Amerika ang tatlong myembre ng Gabriela Network-USA, binatikos ni Kinatawan Liza Maza ang pangigipit ng estado sa isang talumpati sa mababang kapulungan ng Kongreso. Samantala, tatlong myembro rin ng Anakpawis ang dinukot sa Zamboanga del Sur habang pinag-iibayo ang panggigipit sa mamamayang Moro. Umabot na rin sa may 25,000 mamamayang Bangsa Moro sa isla ng Basilan at Sulu ang naging biktima ng pagpapalikas ng military dahil sa pinag-ibayong operasyong military ng AFP sa dalawang lugar. Mahigit na 100 sundalo na ng AFP at ng Abu Sayaff ang napatay sa sunud-sunod na labanan.
KAMPANYA NG PAGPATAY SA PILIPINAS, LUMALALA AT NAGPAPATULOY PA. (tags)
Sa kabila ng diumano’y komperensya na ipinatawag ng Korte Suprema para harapin ang usapin ng mga ekstrahudisyal na pamamaslang , nagpatuloy ang mga magkasunod na pagpatay sa mga lider ng Anakpawis sa Tacloban City at Compostela Valley at iba pang panig ng Mindanao. Ayon sa mga ulat na tinipon ng AJLPP at Pesante-USA, naririto ang mga tala ng mga paglabag sa karapatang pantao at pagpatay ng ginagawa ng AFP:
Panayam ng Pinoy Weekly kay Prof. Jose Ma. Sison (tags)
Kunwaring nagpapanukala ng general amnesty ang rehimen para palitawin na ito ay nasa mataas na posisyong moral at politikal. Sa katotohanan, ang rehimen ay imoral at kaaway ng sambayanang Pilipino dahil sa pagtataksil at pagkapapet sa imperyalista, korap at mapagsamanatala, malupit, nagpapairal ng terorismo ng estado at madugong mapanlabag sa mga karapatang tao. Ang pag-aasta ng rehimen na handang magbigay ng general amnesty ay isang anyo ng tusong paghahanda sa implementasyon ng Human Security Act o Anti-Terror Law. Parang sinasabi ni Ermita bilang Torquemada ng Anti-Terrorist Council na dapat sumuko na lahat ng oposisyon sa rehimeng Arroyo bago ipataw sa kanila sila ang Anti-Terror Law.
IBASURA ANG CARP! ISULONG ANG PAKIKIBAKANG AGRARYO! (tags)
Nanawagan ngayon ang rebolusyonaryong kilusan sa Pilipinas na patuloy na isulong ang rebolusyong agraryo at lalo pang magsumigasig na ibasura ang pekeng land reform ng gobyernong-Arroyo. Sa loob ng halos dalawang dekada nang pagsasakatuparan ng Comprehensive Agrarian Reform Program (CARP), malinaw sa masang magsasaka na isa lamang itong huwad na programa sa reporma sa lupa. Malaking panloloko ang deklaradong layunin at mga sinasabing tagumpay nito. Nananatili hanggang ngayon ang malawakang problema ng kawalan ng lupa ng nakararaming magsasaka.
Samantalahin ang lumalalim na krisis pampulitika (tags)
Ang naghaharing rehimeng Arroyo na mismo ang lumilikha ng kundisyon para sumambulat ang tumitinding krisis pampulitika at humantong ito sa maigting na pagtutuos sa pagitan nito at ng mamamayan. Sa desperadong pagpupumilit ng rehimen na makapangunyapit sa poder lampas pa sa 2010, ginawa nito ang lahat para maipanalo ang mga kandidato nito sa kagaganap na eleksyon. Nagsagawa ito ng todo-todong pandaraya at maruruming maniobra, panggigipit sa mga kalaban at malawakang paghahasik ng karahasan.
PILIPINAS: Eleksyong 2007: Anong Bago at Anong Luma sa Pandaraya? (tags)
Kaisa ang AJLPP sa pahayag ng rebolusyonaryong kilusan sa Pilipinas na “ Ilang ulit na pinasahol ng naghaharing pangkating Arroyo ang bulok na sistema ng eleksyon sa Pilipinas. Labis-labis ang karahasan, pandaraya, panunuhol, maruruming maniobra at pambabraso sa eleksyon nitong Mayo. Isinagawa ito sa pamamagitan ng militar, pulis, mga tauhan sa Comelec at burukrasya. Lalong tumingkad ang kahungkagan ng sinasabing demokratikong eleksyon sa ilalim ng kasalukuyang reaksyunaryong sistema”
PILIPINAS: Eleksyong 2007: Bulok sa kaibuturan (tags)
Ilang ulit na pinasahol ng naghaharing pangkating Arroyo ang bulok na sistema ng eleksyon sa Pilipinas. Labis-labis ang karahasan, pandaraya, panunuhol, maruruming maniobra at pambabraso sa eleksyon nitong Mayo. Isinagawa ito sa pamamagitan ng militar, pulis, mga tauhan sa Comelec at burukrasya. Lalong tumingkad ang kahungkagan ng sinasabing demokratikong eleksyon sa ilalim ng kasalukuyang reaksyunaryong sistema. Pinakamatitingkad ang pandaraya ng kampong Arroyo sa Maguindanao, Sulu at Bohol kung saan nagkaroon ng halos 12-0 resulta ang eleksyon sa pagkasenador pabor sa administrasyon. Sinundan pa ito ng paglilitawan ng 12-0 pabor sa Team Unity sa ilampu pang mga munisipalidad na kontrolado ng mga alipures ni Arroyo.
Rehimeng Arroyo, Naghahanda sa Malawakang Pandaraya sa Eleksyong Mayo 14 (tags)
Wala nang tatalo sa pagkapalalo at lantarang pagiging garapal ng mga tauhan ng Pangulong Arroyo. Mariing kinokondena ng Alyansa-Pilipinas o AJLPP ang lantarang ipinamamarali ng mga kandidato at susing mga tauhan ni Gloria Macapagal-Arroyo ang kanilang makinarya at salapi para bumili ng boto. Nakakasuka ang pagmamayabang ng TEAM UNITY at ng Malacanang ang kanilang “makinarya” at “command votes” na magpapanalo daw sa kanila sa eleksyong Mayo 14. At sa huli, pupulutin si GMA tulad ng mandarayang si Marcos noong 1986, sa kangkungan ng kasaysayan. Sa huling pagtutuos, hindi makakasa ang masa sa eleksyon. Nasa masa ang huling pagpapasya para sa tunay na pagbabago sa lipunang Pilipino. ###
IPAGTANGGOL ANG MGA KARAPATANG PANTAO AT MANINDIGAN PARA SA KAPAYAPAAN (tags)
Matinding kinokondena ng Alliance-Philippines (AJLPP) ang mabangis na todo-gyera ng rehimeng US-Arroyo laban sa mga mamayang Pilipino sa halos lahat ng dako ng Pilipinas. Ayon sa mga tala mula sa Pilipinas na sinusubaybayan ng AJLPP, lubos na nakababahala para sa alyansang ito na nakabase sa Estados Unidos at sa mga organisasyong pangkarapatang pantao, simbahan at iba pang grupong internasyunalista sa Amerika, ang lalo pang bumabangis na pagsalakay ng rehimeng US-Arroyo sa masang Pilipino sa pagpasok ng 2007. Muli, nanawagan ang AJLPP sa komunidad Pilipino Amerikano sa Estados Unidos at iba pang nasyunalidad na tumulong sa pakikibaka ng sambayanang Pilipino para sa kapayapaan at pambansang dignidad. Dapat nilang pagibayuhin ang pagkilos para sa kapayapaan at karapatang pantao. Makakaasang mananatiling kaisa ng mamamayang Pilipino ng AJLPP para sa pagkilos tungo sa kapayapaan, pambansang kalayaan at katubusang panlipunan.
US bishops mag-aatras ng suporta kay GMA (tags)
Iaatras ng pamunuan ng United Methodist Church (UMC) na nakabase sa Estados Unidos ang kanilang suporta sa administrasyong Arroyo hanggang hindi nareresolba ang mga nagaganap na extra-judicial killings sa bansa kabilang na sa mga taong Simbahan. Ito’y matapos na dumating sa bansa ang 17-kataong "mission team" sa pangunguna ni Bishop Beverly Shamana buhat sa California-Nevada Conference ng UMC. Layon ng grupo na pag-aralan ang mga nagaganap na political killings at mga paglabag sa karapatang-pantao sa bansa. Ayon kay Bishop Soli to Toquero, binisita ng grupo ang mga lugar ng Nueva Ecija, Leyte, Samar, Davao at Cagayan de Oro. Nagulat umano ang grupo nang malaman na maging mga taong-Sim bahan ay hindi pinapalagpas sa naturang mga pagpatay. Dahil sa natuklasan, nakatakdang makipagpulong ang grupo sa kanilang mga mambabatas sa Estados Unidos upang magsulong ng imbestigasyon at pilitin ng kanilang pamahalaan na iatras ang suporta sa administrasyong Arroyo.
Gunitain ang Ika –21 taon ng Pag-aalsa ng Masa sa EDSA na Nagpatalsik sa Diktadura (tags)
“Lumalaon bumubuti, sumasama kaysa dati!” Ito ang malungkot na kasabihan ng komunidad ng mga Pilipino-Amerikano sa Estados at ng masang Pilipino sa Rebolusyong sa EDSA na naganap noong Pebrero 21-25, 1986 para sa mga tao at grupong umangkin sa pagpapabagsak ng diktadurang US-Marcos. Dati-rati, sisidlan ng tuwa at karangalan sa mga Pilipino sa Amerika ang rebolusyong Pebrero o Rebolusyong EDSA. Ngunit ngayon, tulad sa Pilipinsa lumipas ito ng hindi man pinapansin o binibigyan ng pagdiriwang o pag-alala ng mga grupo at personalidad na umaangkin dito Ngunit ang pinatunayan ng EDSA, hindi dapat huminto ang masa sa paghahangad lamang ng pagbabago sa liderato o sa estrakturang pamlipunan. Ang simpleng pagapapalit ni Marcos at Aquino at Estrada tungo kayA rroyo ay di na dapat maulit pa! Upang ganap na mabago ang sistema, kailangan ang ganap at tunay na pagbabago sa sistemang sosyal upang makamit ng sambayanan ang tunay na reporma at pagbabagong sosyal. Dapat pa nating pag-ibayuhin ang pakikibaka, maging inspirasyon sa ating ang naganap na rebolusyon sa EDSA na kaya nating baguhin ang lipunang Pilipino gaano man ito katagal at kahit gaano kalaki man ang sakripsiyo na kailangan nating gawin.
Gunitain ang Ika –21 taon ng Pag-aalsa ng Masa sa EDSA na Nagpatalsik sa Diktadura (tags)
Ngunit ang pinatunayan ng EDSA, hindi dapat huminto ang masa sa paghahangad lamang ng pagbabago sa liderato o sa estrakturang pamlipunan. Ang simpleng pagapapalit ni Marcos at Aquino at Estrada tungo kayA rroyo ay di na dapat maulit pa! Upang ganap na mabago ang sistema, kailangan ang ganap at tunay na pagbabago sa sistemang sosyal upang makamit ng sambayanan ang tunay na reporma at pagbabagong sosyal. Dapat pa nating pag-ibayuhin ang pakikibaka, maging inspirasyon sa ating ang naganap na rebolusyon sa EDSA na kaya nating baguhin ang lipunang Pilipino gaano man ito katagal at kahit gaano kalaki man ang sakripsiyo na kailangan nating gawin. Tulad ng dati:
HINGGIL SA KOMISYONG MELO AT HALALAN SA 2007 (tags)
Panloloko sa bayan at panibagong inhustisya sa mga biktima ng paglabag sa mga karapatang tao ang kawalang lubos na liwanag tungkol sa nilalaman ng ulat ng Komisyong Melo. Pinapaugong ng Malakanyang na inaakusahan ng ulat ang militar at Heneral Palparan tungkol sa ilang pamamaslang. Kasabay nito, sinasabi rin nila na hindi lamang ang militar at pulis ang gumagawa ng mga krimen. Sa gayon, pinagtatakpan nila ang kriminal na pananagutan ni Gloria M. Arroyo at mga alipuris niyang militar at pulis sa higit ng 820 na pamamamaslang at higit na 200 pagdukot sa ilalim ng Oplan Bantay Laya I at II.
Sabwatang Imperyalismong US (tags)
Mahigpit at mariing kinokondena ng AJLPP o Alliance-Philippines-USA ang sukdulang kawalang-hiyaan ng pasistang rehimeng US-Arroyo sa pagmamalaki nito sa kasalukuyang kontra-terorismong todo gyera laban sa sambayanang Pilipino. Kasumpa-sumpa ang pagiging nuno sa karagapalan ng pasistang gobyerno . Dahil pati ang usaping ng pagtulong kanhit pakunwari na dating ginagawa ng mga sundalong Pilipino, ngayon ay inaasa na sa mga mapanakop na sundalong Amerikano lalo na sa mga lugar na malakas ang NPA at ang MILF. Dati-rati mula sa panahon ng mga naunang papet na presidente, ang mga civic action (Civac) na ngayon ay tinatawag na “Humanitarian Missions” ay ginagawa ng AFP at ng gobyerno ng Pilipinas. Ngayon, ayon sa kanilang kasunduan, ang Civac o “humanitarian missions’ tulad ng pagtatayo ng mga klinika, eskwelahan at iba pang serbisyong medical at enheneriya tulad ng paggawa ng daan at kalsada, tulay at iba pang imprastraktura ay ipinauubaya na at ginagampanan ng mga tropang Amerikano.
Sabwatang Imperyalismong US at Pangkating Arroyo Laban sa Sambayanang Pilipino, (tags)
Mahigpit at mariing kinokondena ng AJLPP o Alliance-Philippines-USA ang sukdulang kawalang-hiyaan ng pasistang rehimeng US-Arroyo sa pagmamalaki nito sa kasalukuyang kontra-terorismong todo gyera laban sa sambayanang Pilipino. Kasumpa-sumpa ang pagiging nuno sa karagapalan ng pasistang gobyerno . Dahil pati ang usaping ng pagtulong kanhit pakunwari na dating ginagawa ng mga sundalong Pilipino, ngayon ay inaasa na sa mga mapanakop na sundalong Amerikano lalo na sa mga lugar na malakas ang NPA at ang MILF.
Gunitain ang Ika –20 taon ng Mendiola Masaker ng 1987 (tags)
Sa Ika-22 ng Enero, 2007, gugunitain ng komunidad ng Pilipino sa Amerika ng Los Angeles, California sa ilalim ng Pesante-USA at ng Ecumenical Fellowship for Justice and Peace (EFJP) ang ika-20 taon ng masaker sa Mendiola noong Enero 22, 1987. Noong 1987, matapos magdeklara ng 60 araw na tigil-putukan ang NDFP at ang gobyerno noon ni Corazon Aquino, mabilis na pinutol ng AFP ang tigil putukan at usapang pangkapayapapaan ng NDFP at GRP sa pagsupil sa militanteng rali ng mga magsasaka sa daan patungo sa palasyo ng Malacanang kung saan napatay ang 13 magsasaka at nasugatan ang may 150 iba pa.
Unilateral Ceasefire sa Albay idineklara ng SBC (tags)
Pormal na inililinaw ng Santos Binamera Command ang pagdedeklara ng makaisang panig na tigil putukan sa lalawigan ng Albay. Sa mga panahon ng matitinding kalamidad, palagian nang nagdedeklara ang New People’s Army ng suspensyon ng mga taktikal na opensiba upang bigyang-puwang ang pagsasagawa ng hukbong bayan at mga rebolusyonaryong organisasyong masa ng mga rescue operation. Sa kalagayan ding ito, pinapanawagan ng SBC ang paglahok ng mga organisasyon at mga nagmamalasakit nating kababayan na magbigay-tulong sa mga sinalanta ng bagyo. Unilateral Ceasefire sa Albay idineklara ng SBC
Pahayag ng Pesante-USA hinggil sa Nakatakdang Paghuhukom sa Kaso ni “Nicole” sa Dis.4 (tags)
Ngunit wala ito sa bokabularyo ng mga reaksyunaryo ang pagmamahal sa bayan. Lalo na sa mga namununo sa pangkating pasistang US-Arroyo. Dahil sa ito ay walang pagsidlan sa kawalanghiyaan at ang taning layon ay ipagbili ang bayan sa pinakamalaking halaga na kanilang mahuhuthot. Kitang-kita ito sa kanilang pagtatangol sa Imperyalismong US at sa mga kawal ng Amerika na lumapastangan sa isang Pilipina noong Nobyembre 2005. Sa halip na kampihan at ipagtanggol ang Pilipina, nilait, halos ipinagbili at inalipusta pa nila ang pamilya ng nagsakdal at lantarang kumampi sa apat na lapastangan. Ngayon, kahit ang hustisya ay binabalam dahil sa paglilipat ng desisyon mula Nobyembre 27 tungo ng Disyembre 4. Lubhang pinanabaki nila ang sambayanan sa hatol na nakabitin.
BAKIT NANALO ANG MGA DEMOKRATA SA NAKARAANG ELEKSYON 2006 SA U.S. (tags)
Pagkatapos ng eleksyong 2006, malinaw na panalo ang mga Demokrata sa midterm elections nitong Nobyembre 7. Mahigit 21 bagong kongresista ang naipanalo ng mga ito laban sa dating mayoryang Republicans. Mahigpit pang pinaglalalabanan ang anim na pwesto sa senado. Nakuha din ng mga demokrata ang mayorya ng mga goberador sa 50 estado ng Amerika na isang pinakamalaking bagay sa loob ng 20 taon. Maraming nagsasabing ang mga matitinding eskandalo ang pumatay sa mga Republikano. Nariyan ang mga mabagal na pagtugon ng gobyernong Bush sa Katrina, ang usapin ng pagnanakaw sa gobyerno, kurupsyon sa financial system, ang Foley Scandal at iba pang mga lantad na usaping kinasangkutan ng mga senador at kongresistang Republicans tulad nina Tom Delay atbp.
Usapang pangkapayapaan sa pagitan ng MILF at GRP nais ibagsak ng rehimeng Arroyo (tags)
Lubos na kaisa ang Pesante-USA sa pahayag ng pamunuan ng Moro Islamic Liberation Front (MILF) na ”Ang rehimeng Arroyo ang responsable sa pagbagsak ng usapang pangkapayapaan.” Naninidigan ang Pesante-USA bilang isang grupong nagtataguyod ng karapatang-pantao at kapayapaan sa Pilipinas na dapat maging seryoso ang GRP sa pakikipagnegosasyon sa MILF at manghinayang sa mangyayari kung babalik sila sa pang-uupat ng digmaan na kumitil na ng maraming buhay sa nakaraan.
Peace Talks ng MILF at GRP Nais ibagsak ng rehimeng Arroyo (tags)
”Ang rehimeng Arroyo ang responsable sa pagbagsak ng usapang pangkapayapaan.” Ito ang pahayag ng pamunuan ng Moro Islamic Liberation Front (MILF) matapos mabigo noong Setyembre 7 ang ika-13 exploratory talks (mga usapan para makapaghanap ng kalutasan sa di pagkakasundo) sa pagitan ng mga kinatawan nito at ng Gubyerno ng Republika ng Pilipinas (GRP).
ARROYO AT MARCOS, PAREHONG PASISTA, PAHIRAP SA MASA-- PESANTE-USA (tags)
Ubod ng Walanghiya! Para sa Pesante-USA, ano pa bang salita ang higit na makakapaglarawan sa itsura ng rehimeng US-Arroyo sa mata ng sambayanang Pilipino dito sa Amerika at maging sa Pilipinas? Kung mamakapatay lamang ang mga salita at ang galit, matagal nang natunaw tulad ng asin ang rehimeng kinamumuhian ng mamamayan.
ANG MGA MANUNULAT AT ARTISTA SA PANAHON NG GLOBALISASYON (tags)
Kailangang ipaalam sa madla na ang ugat ng mga ideya ng mga naghaharing uri na ipinapakalat ng mga binabayarn nilang mga alagad sa sining at panitikan ay naka-ugat sa kanilang pagnanais na panatiliin ang kaugalian ng kanilang uri.
PATULOY ANG ATAKE NG REHIMENG-US ARROYO AT AFP SA MASA (tags)
Sa kabila ng pakunwaring mga pahayag ni Gloria Arroyo, walang tigil at di-maawat ang mga pamamaslang, pagdukot, tortyur, iligal na pag-aresto at detensyon at iba pang karumal-dumal na paglabag ng mga armadong galamay ng estado sa karapatang-tao ng mamamayan. Mahigpit na kinokondena at iginigiit ng Pesante-USA na dapat nang matigil ang amahas na pamamasista at terorismo ng estado. Lalo lamang pinagagalit ni GMA ang masa at hinuhukay ang sarili nitong libingan tulad ng nangyari kina Marcos at Estrada. Umabot na sa mahigit 755 ang pinaslang at may 188 ang nawawalang aktibista na hindi matagpuan. Papalubha ang mga paglabag sa karapatang pantao na malapit nang maungusan ni Gloria-Arroyo.ang pagiging garapal na pasista ni Marcos ayon sa Pesante-USA Patuloy Ang Atake ng Rehimeng US-Arroyo at AFP sa Masa: Tumitindi, Paglabag sa Karapatang-Tao
MEGA PROJECTS NI GLORIA, MEGA DEMOLISYON SA MGA MARALITA (tags)
"MEGA DEMOLISYON at MEGA DISLOKASYON para sa mga maralita at mamamayang Pilipino ang hatid ng mga pangakong MEGA PROJECTS ni Gng. Arroyo na naging pokus ng pangako para sa "kaunlaran" noong inilahad nito ang bersyon ng State of the Nation Address." Ito ang sinabi ni Carmen "Nanay Mameng" Deunida, pambansang tagapangulo ng Kalipunan ng Damayang Mahihirap (KADAMAY).
On the Death/Martyrdom of Ilagan Mayor Delfinito Albano (tags)
Pesante- USA reprinted the Tagalog Statement of the NDFP-Cagayan Valley re the murder of Ilagan Mayor Delfinito Albano who was murdered by unknown assailants in Metro Manila. Ilagan is the provincial capital of Isabela where agrarian or land problems is very grave. Ilaga is also the area where the 11,000 Hacienda San Antonio and Sta Isabel, now the crisis area of land problems in the Philippines is located. Foreign corporations are trying to gran the lands of peasants opening up coal mining and cassava plantations in the traditionally rice and corn lands in the area. Mayor Albano took the side of the lowly peasants that is why he became a marked man. Pesante condoles with the Albano family on the untimely death and martyrdom of one of the servants of the people.
OPERASYONG MILITAR NI PALPARAN, BIBIGUIN NG MASA NG SAMBAYANAN (tags)
Ang tuta ay laging tumutulad sa kanyang amo! Nglunsad ng malakihang operasyong militar ang mga tropa ng US sa Iraq kamakailan at katulad ng tuta sa amo—naglusad din ng operasyong militar si heneral Jovito Palparan ng 7th ID Philippine Army sa Gitnang LuzonWalang magagawa ang gaya-gayang si Palparan.:Lahat ng kontrarebolusyonaryo at anti-mamamayang sa kasaysayan tulad niya ay mabibigo at pupulutin sa basurahan ng kasaysayan!
Condemn Political Killings in Central Luzon, Philippines (tags)
Pesante-USA reprinted an interview by Ang Bayan of Salud Roja, a revolutionary leader in Central Luzon. it was printed at the QC Indymedia regarding the political killings in Central Luzon on June 4.
Sistematikong Kampanya ng Terorismo Laban sa Masa, Patunay ng Pasistang Karakter ng Rehime (tags)
Pesante-USA vehemently condemns the US -Arroyo regime's US- trained death squads killings in the Philippines. Pesante-USA holds the US-Arroyo regime responsible for the killings of more than 500 activist since 2001. More than 60 activist were killed since January 2006 up to this time. Party list members of the BAYAN MUNA ( People First) are the prime victims of the death squads rampage.