Pahayag Pangmadla

Kilusang Dekada 70(KD70)

Contact: Prof. Guillermo Ponce De Leon

Phone: (818) 749-0272

MABUHAY ANG ARAW NG PAGKATATAG NG KATIPUNAN!

San Francisco—Nagpupugay ang Kilusang Dekada 70, ang organisasyon ng mga aktibista sa Amerika sa araw ng pagkakatatag ng Katipunan, Hulyo 7, 1892- araw ng simula ng pambansang demokratikong rebolusyong ng lumang tipo 1896.

Maalalang matapos ng ilang araw ng pagkakatatag ng repormistang La Liga Filipina ni Dr. Jose Rizal noong Hulyo 2 sa Maynila, dinakip ng mga awtoridad Espanol si Rizal at ipinatapon sa Dapitan, sa isla ng Mindanao. Dahil dito namatay ng kusa ang La Liga at ang pumalit na Liga De Compromisarios ni Mabini ay hindi na ring gumana.

Sa halip na manahimik, si Andres Bonifacio, Deodato Arellano at Ladislao Diwa sila ay nagpasya na buuin ang Katipunan. Ang tatlong taong ito ay nagpasyang hindi na uubra ang mapayapang paraan at tanging armadong rebolusyon ang kinakailangan para mabago ang kaayusan at tapusin ang kolonyal na paghahari ng bayang Espana sa Pilipinas.

Mula sa tatlong taong grupong ito, lumaki at lumawak ang Katipunan sa may laking 30,000 kasapi at sa halos lahat ng dako ng Pilipinas. Ito ang nagsilbing pambansang organizasyon ng pagbabago at armadong grupo tungo sa kasarinlan.

Mga Aral ng Katipunan

Napakahalagang aral para sa lahat ng rebolusyonaryo at naghahangad ng tunay na pagbabago na gagapin ang aral ng Katipunan sa bagong panahon. Kailangang ituloy ang naunsyaming rebolusyon at isulong ito tungo sa mas mataas na yugto ng Sosyalismo.

Maliwanag na pagkatapos ng dalawang EDSA, matapos mapatalsik ang dalawang presidente patuloy pa ring naghihirap, hikahos at laganap ang pagsasamantala at pangaapi ng mga dayuhan at ang kanilang mga lokal na alagad sa ating bayan.

Hindi na sasapat ang mga burges na eleksyon, mga pagpapalit ng pangulo at burges na partido, pagpapanatili sa bulok na sistemang pinaghaharian ng mga asendero, komprador at ng mga sukab na dayuhan.

Tanging ang tamang landas ng Katipunan ang dapat na tahakin ng mga tunay anak ng bayan para maganap ang tunay na pagbabago. Tulad ng sinabi ni Andres Bonifacio:

“ Ihanda mo ina ang paglilibingan,

ng maraming mawawakawak na bangkay!”

Mabuhay ang diwa ng Katipunan!

********

Napakahalagang aral para sa lahat ng rebolusyonaryo at naghahangad ng tunay na pagbabago na gagapin ang aral ng Katipunan sa bagong panahon. Kailangang ituloy ang naunsyaming rebolusyon at isulong ito tungo sa mas mataas na yugto ng Sosyalismo.

Maliwanag na pagkatapos ng dalawang EDSA, matapos mapatalsik ang dalawang presidente patuloy pa ring naghihirap, hikahos at laganap ang pagsasamantala at pangaapi ng mga dayuhan at ang kanilang mga lokal na alagad sa ating bayan.

Hindi na sasapat ang mga burges na eleksyon, mga pagpapalit ng pangulo at burges na partido, pagpapanatili sa bulok na sistemang pinaghaharian ng mga asendero, komprador at ng mga sukab na dayuhan.