Karahasang Militar Lumalala: Lider ng KMP, inaresto; pastor, pinatay ng militar

Manila-- Kabilang sa mga karumal-dumal na krimen ng rehimeng Arroyo nitong nakaraang mga linggo ang pagpaslang sa isang pastor ng UCCP sa Leyte at pagpatay sa isang aktibista sa Bohol. Sa kanayunan ng Tagum, nagpapatuloy ang sapilitang paglikas ng mga residente dahil sa matitinding operasyong sa kanilang mga lugar. Sa Maynila, mahigit 80,000 residente ang mawawalan ng tirahan dahil sa proyektong riles. Sa Negros, inaresto ang isang lider ng KMP, at sa Palawan, dalawang pinaghihinalaang myembro ng Bagong Hukbong Bayan (BHB) ang dinukot ng militar. Isa ring lider-masa sa Cebu ang dinukotat dalawang araw na itinago ng militar bago siya makatakas.

Enero 31 hanggang sa kasalukuyan. Ginigipit ng mga tropa ng 730th Combat Group ng Philippine Air Force ang mga residente ng Hacienda Looc at Barangay Natipuan sa Nasugbu, Batangas matapos salakayin ng BHB ang isang detatsment ng AFP sa kalapit na Barangay Calayo noong Enero 31. Di bababa sa 25 pamilya na ang napilitang lumikas para makaiwas sa harassment ng militar. Noong araw ding iyon ay sinunog ng mga tropa ng AFP ang mga bahay nina Sopreno Cabral, Florence Reyes at Toribio Reyes, pawang mga residente ng Hacienda Looc. Mula Pebrero 1 ay nagtayo ang AFP ng mga tsekpoynt sa Barangay Calayo kung saan hinaharang, iniinterogeyt at hinaharas ang mga dumadaan. Kabilang sa mga nabiktima sina Coche Polagan, prinsipal ng Barangay Looc Elementary School at ang kanyang asawang si Narsing. Sapilitan silang pinalabas sa kanilang van at pinaluhod sa kalsada.

Enero 28. Inaresto at tinortyur ng mga elemento ng Negros Occidental Police Provincial Office (NOPPO) si Randall Echanis, 60, deputysecretary general for external affairs ng Kilusang Magbubukid ng Pilipinas (KMP). Si Echanis ay inalider ng mga manggagawang bukid ng National Federation of Sugar Workers (NFSW). Umabot sa 30 nakasibilyang

armadong operatiba ang umaresto kay Echanis. Si Echanis ay inaresto kaugnay ng akusasyon ng militar na sangkot siya sa kaso ng umano’y pagpatay sa 67 katao sa Inopacan, Leyte noong 1985. Siya at si Rep. Satur Ocampo ay kabilang sa 52 na akusado kasong ito. Inaresto si Ocampo noong nakaraang taon kaugnay nito, ngunit pinalaya rin matapos ibasura ng korte ang gawa-gawang kaso. Katulad ni Ocampo, nakakulong din si Echanis nang mangyari ang gawa-gawang insidente sa Leyte. Kaya ang pag-aresto sa kanya ay malinaw na panggigipit lamang sa mga katulad niyang kumikilos sa demokratikong kilusan. Mariing kinundena ng KMP ang pag-aresto at pagtortyur kay Echanis. Binatikos din ng NDFP ang pagaresto kay Echanis dahil paglabag ito sa Joint Agreement on Safety and Immunity Guarantees (JASIG). Si Echanis ay myembro ng Reciprocal Working Committee on Socio-economic Reforms ng NDFP sa usapang pangkapayapaan.

Enero 26. Dinukot ng mga elemento ng pulisya sa prubinsya ng Palawan at Armed Forces Western Command (Wescom) sina Christine Butaca, 27 at ang kanyang asawang si Wilson Mangao. Pinalalabas ng mga otoridad na mga ipinakitang warrant of arrest ang mga pulis at militar nang dukutin ang mag-asawa. Dumadalo sila noon sa kasal ng kapatid ni Butaca sa Barangay Bono-bono, Bataraza, Palawan. Iniutos ng Provincial Prosecutor’s Office sa pulisya at militar na pakawalan ang mag-asawa

matapos lamang ang ilang araw nang mapatunayang walang matibay na ebidensyang

hawak ang AFP laban sa kanila.

Enero 24. Mahigit 1,000 residente ng Barangay San Agustin, Tagum City ang napilitang lumikas dahil sa tindi ng operasyong military sa kanilang lugar. Inaresto ng mga nag-ooperasyong sundalo ang mga lalaking residente at pinagbintangan silang mga kasapi ng BHB. Pinadapa at ipinailalim sila sa interogasyon. Ang pandarahas na ito sa mamamayan ay pagbubunton ng naslang sa isla. Noong Mayo 2005 ay pinatay ng militar si Rev. Edwin Lapuz sa San Isidro, Leyte.

Enero 17. Pinatay ang aktibistang maka-kalikasan na si Ronaldo Sendrijas, 35, ng mga nakamaskarang berdugo sa Graham Avenue, Tagbilaran City, prubinsya ng Bohol,alas-9:20 ng gabi. Dalawang tama ng bala sa batok ang ikinamatay ni Sendrijas. Kalalabas lamang niya sa Ramiro Community Hospital para bumili ng gamot para sa kanyang kapatid. Si Sendrijas ay dating seminarista at dating detenidong pulitikal. Inaresto siya sa Cebu noong 2003 kaugnay ng kasong rebelyon na isinampa sa kanya sa Bohol at Cebu. Pinakawalan siya noong 2006 matapos makapagpyansa. Mula nang makalaya siya ay tuluy-tuloy siyang hinaras ng militar. Bukod sa kasong rebelyon, pilit siyang iniuugnay ng militar sa dalawang kaso ng pamamaslang noong 2006 at 2007. Lagi-lagi rin siyang pinipilit magpanggap na surenderi ng BHB at itakwil ang armadong pakikibaka. Noong Nobyembre 7 ay nireyd ng militar sa pamumuno mismo ni Lt. Col. Ceasar Yano, hepe ng 302nd Bde, ang bahay at mga kapitbahay ni Sendrijas sa Barangay San Jose, Inabanga, Bohol sa akusasyong may iniingatan umano itong baril. Walang nakitang anumang sandata.

Enero 13-27. Sapilitang nagbakwit ang mga Ata-Manobo mula sa 65 komunidad ng Talaingod, Davao del Norte dahil sa matitinding bata at isang matandang lalaki mula sa Sityo Sasu, Barangay Palma Gil ang namatay noong Enero 13 dahil sa matinding gutom. Sa halip na tulungan ang mga bakwit, pinabulaanan pa ng mga upisyal ng Talaingod na mayroong mga nangyaring paglabag sa karapatang-tao. Ginigipit din ng nag-ooperasyong mga tropa ng 73rd IB ang mga lider ng Salugpongan Ta Tanu Igkanugon,isang lokal na organisasyon na binubuo ng mga Ata-Manobo sa

Talaingod.

Enero 12 hanggang sa kasalukuyan. Malawakang pang-aaresto,sapilitang pagpapabakwit at panununog ng mga bahay ng mga magsasaka Sityo Gintalaokan at Bantolinao sa Barangay Talalak at Barangay Nagbinlod sa Sta. Catalina, Negros

Oriental kaugnay ng mabangis na operasyong militar ng 56th IB,ayon sa Karapatan-Central Visayas. Isang di pa nakikilalang magsasaka ang karakarakang pinatay ng mga elemento ng Bravo Coy ng 56th IB nitong Enero 27 matapos pag-initan ng mga sundalo ang mga residente nang makatakas si Reynold Carillo, 18, isa sa mga magsasakang dinampot ng militar. Dalawa namang residente ng Sityo Lagasan, Barangay Nagbinlod, na nagngangalang Willy, 30 at Biano, 60 ang patuloy na ginagamit bilang giya at panangga ng nag-ooperasyong mga sundalo.

Enero 4. Dinukot ng pitong ahente ng Intelligence Service of the AFP (ISAFP) si Melvin Yares, 27, tagapangulo ng Kahugpungan sa Kabus sa Basak (KAKABAS) sa Lapu-Lapu City. Nangyari ito bandang alas-9:30 ng gabi sa kanto ng Lincoln at Plaridel St. sa Carbon Public Market. Pilit siyang isinakay sa isang puting van, piniringan, ibinibimbin at ipinailalim sa interogasyon hinggil sa kaugnayan umano niya sa BHB. Ani Yares, pinilit din siyang maging espiyang militar, magpanggap na sumukong Pulang mandirigma at humarap sa midya para batikusin ang Kadamay, Anakpawis at iba pang mga ligal na

progresibong organisasyon. Nagkaroon siya ng pagkakataong tumakas bandang alas-2 ng madaling araw noong Enero 6 nang dalhin siya sa isang madilim at ilang na lugar sa Sityo Timpolok, Barangay Gun-ob, Lapu-Lapu City para tortyurin. Tumakbo siya patungo sa isang dumaraang sasakyan at tumalon sa kabilang dako ng kalsada. Plano ni Yares na sampahan ng kaso ang mga militar na dumukot sa kanya. ~