Pahayag,

Mayo 16, 2007



AJLPP,Binatikos ang Order ng Comelec na Itigil ang Media Quick Countt

Los Angeles-- Mariin at ubos tinding binatikos ngayon ng Alyansa (AJLPP) ang ginawang pagpapahinto ng ng Commission on Elections sa lahat ng quick count na isinasagawa ng mga television at radio stations dahil na rin sa pagsisimula ng official canvassing ng National Board of Canvassers sa mga boto para sa mga kandi­datong senador.

“ Ang tinig ng bayan ay dapat pakinggan. Nagsalita na ang masang Pilipino sa pamamagitan ng balota. Ayaw na nila sa mga alipures na tuta ni Gloria lalo na kay Gloria’’ pahayag ni Mario Santos, pambansang tagapagsalita ng AJLPP.

“ Kahit anu pang pandaraya ang gawin ni Gloria tulad ng ginawa nila noong 2004, napahayag na ng saloobin ang masang Pilipino. Ang pagboto nila sa mga kumakatwan sa oposisyon tulad kay LTJG Antonio Trillanes ay sampal sa kanyang paghahari.

”Kaya nga nagkakadarapa na ipinatitigil ng Malacanang ang lahat ng klase ng exit polling at Quick Count. “ pahayag pa ng AJLPP. “Ngunit huli na ang lahat!”

Ayon kay Comelec Chairman Benjamin Abalos, hindi na nila pinapayagan ang unofficial count ng mga television at radio stations kahit pa man ilagay nito ang source o basehan ng kani­lang bilang.

Tanging ang National Movement for Free Election na lamang ang awto­risado na magsagawa ng quick count na isinasa­gawa sa La Salle Green­hills sa San Juan, Metro Manila.

Sinabi pa rin ni Abalos na napadalhan na ng kanilang law department ng sulat ang mga media stations at umaasa itong tatalima sa kautusan at sakaling hindi umano sumunod ay naka­takdang kasuhan ng contempt of court.

NABAHALA AT NAUNSYAMI ANG ADMINSTRASYON SA MEDIA REPORTS

Lubhang ikinabahala ng rehimeng US-Arroyo ang pag-uulat ng mga exit polls at ng mga TV network na lumalamang at nananalo ang oposisyon sa naganap na quick count at exit polls. Nabigla ang administrasyon Arroyo sa pagpapakita ng masa sa galit sa pamamagitan ng pagboto laban sa adminstrsyon. Ngunit ipinagmamalaki pa ring n TEAM Unity na mananalo sa Mindanao at Visayas.

Ngunit maging mga ulat ng media, nanalo ang oposisyon at ang mga party list organisasyon sa may 13% ng bilang ng mga quick counts. Sa katunayan, nangunguna ang GABRIELA party list party sa bilangan sa mga partylist groups ayon sa NAMFREL nitong umaga ng Mayo 16. ( Gabi ng Mayo 16 sa Pilipinas)

Gayunpaman, inihayag ng ABS-CBN na hindi pa man nila natatanggap ang sulat ng Comelec law department ay kanila nang itinigil ang kanilang quick count nang mag-convene ang National Board of Canvassers. Tiniyak naman ni Abalos na kanilang tatapusin sa loob ng 10 araw ang canvassing para sa senatorial elections.

OPOSISYON UMANGAL

Inangalan naman ng Genuine Opposition ang pagpapatigil ng administrasyon sa isinasagawang unofficial media quick count sa resulta ng gina­nap na eleksyon sa bansa.

Hinamon ni GO Spokesman Atty. Adel Tamano ang administras­yon na kung talagang mali­nis ang eleksyon at wa­lang pinaplanong pandaraya ang Team Unity ay hayaang magpatuloy ang tabulasyon sa media quick count partikular na sa senatorial race.

Para anya maiwasan ang mga dayaan gaya ng Dagdag Bawas operation ay mahalaga ang pagba­bantay ng media sa kaganapan ng pagbibilang ng mga balota.

Kaugnay nito, sinabi ni Tamano na ang resulta ng senatorial race kung saan mayorya sa mga kandidato ng GO ang umaariba ang panalo ay patunay lamang na marami na sa taum­bayan ang dismayado sa gobyerno.

*********