by Pesante-USA
Saturday, Mar. 14, 2009 at 6:52 PM
magsasakapil@hotmail.com 213-241-0995 337 Glendale Blvd. Los Angeles, CA 9026
Inulat ng balitaan ng PESANTE-USA na iligal na inaresto ng mga militar at pulis ang isang konsultant ng National Democratic Front of the Philippines (NDFP) sa usapang pangkapayapaan. Mahigit na 20 tauhan na ng NDF ang inaaresto ng AFP mula ng matigil ang usapang pangakapayapaan noong 2004.
Samantala. wala ring patid ang pagsalbeyds at pagpapahirap ng mga tropa ng AFP sa mga sibilyang pilit na isinasangkot sa armadong kilusang rebolusyonaryo. Ito ang ulat sa iba't ibang bahagi ng bansa na nilikom ng Pesante News.
dsc08158-1.jpg, image/jpeg, 2048x1536
PESANTE NEWS
Marso 13, 2009
Konsultant ng NDFP, iligal na inaresto
Los Angeles- Inulat ng balitaan ng PESANTE-USA na iligal na inaresto ng mga militar at pulis ang isang konsultant ng National Democratic Front of the Philippines (NDFP) sa usapang pangkapayapaan. Mahigit na 20 tauhan na ng NDF ang inaaresto ng AFP mula ng matigil ang usapang pangakapayapaan noong 2004.
Samantala. wala ring patid ang pagsalbeyds at pagpapahirap ng mga tropa ng AFP sa mga sibilyang pilit na isinasangkot sa armadong kilusang rebolusyonaryo. Ito ang ulat sa iba't ibang bahagi ng bansa na nilikom ng Pesante News.
Marso 3. Napatay si Domingo Barbado at malubhang nasugatan si William Arroyo, parehong mangingisda, nang walang pakundangang paputukan ng mga elemento ng 42nd IB ang isang grupo ng 15 mangingisdang naglalayag sa Lagonoy Gulf, sakop ng Barangay Adiangao, San Jose, Camarines Sur. Para pagtakpan ang kanilang krimen, sinabi ng militar na napagkamalan umanong mga gerilya ng Bagong Hukbong Bayan (BHB) ang mga mangingisda kahit hindi sila armado. Bago ito, noong Pebrero 13 ay pinatay din ng mga sundalo ng 42nd IB sa may baybayin ng Lahuy Island, Caramoan si Eli Bracero, isa ring mangingisda, dahil naglalayag siya sa lugar na nakareserba para sa eko-turismo.
Noon namang Enero ay namatay si Victor Panuelos, isang sibilyang taga-Sta. Maria, Presentacion, Camarines Sur nang mamaril ang mga sundalo ng 42nd IB habang tinutugis si Joseph Mendez, isa pang sibilyang iligal nilang inaresto, tinortyur at pinagnakawan at pinaratangang myembro ng BHB. Ang pinaiigting na terorismong militar ng 42nd IB sa lugar ay kaugnay ng clearing operations nito bilang paghahanda sa Balikatan exercises na ilulunsad rito sa Abril.
Pebrero 24. Dinampot ng mga elemento ng ISAFP, PNP CIDG at 8th ID si Eduardo Sarmiento sa Alabang, Muntinlupa, Metro Manila Iligal ang pagdakip kay Sarmiento dahil siya ay konsultant ng NDFP sa usapang pangkapayapaan at may proteksyon sa ilalim ng Joint Agreement on Safety and Immunity Guarantees.
Tinamnan si Sarmiento ng granada nang siya'y arestuhin para di siya agad makapagpyansa. Isinasangkot siya ng militar sa gawa-gawang kasong multiple murder kaugnay ng purgahan umanong naganap sa Inopacan, Leyte noong 1985.
Bago ito ay iligal ding inaresto, tinortyur at iniuugnay sa parehong kaso sa Inopacan, Leyte si Remegio Burac, istap ni Sarmiento. Si Burac ay dinampot habang sakay ng bus sa Lavezares, Northern Samar noong Enero 27.
Pebrero 22. Dalawang magsasakang napatay ng mga elemento ng 29th IB sa Barangay Lipa, Quezon, Bukidnon ang pinalalabas na mga myembro umano ng BHB para makatakas sa pananagutan ang militar. Sina Emily Ratilla at Danilo Ginanat ay nadamay sa labanan ng BHB at AFP at kinilala na ng punong barangay ng Lipa at meyor ng Quezon na mga ordinaryong sibilyan lamang. Kaugnay nito, umaabot na sa 75 pamilya mula sa mga baryo ng Lipa, Sta. Cruz at Kiburiao (lahat sa bayan ng Quezon) ang napilitang lumikas at pansamantalang naninirahan sa mga barangay hall at plasa sa kanilang mga baryo at karatig na mga lugar.
Pebrero 12. Dalawang magsasaka mula sa Paquibato District, Davao City ang pinagbubugbog ng mga elemento ng 3rd Special Forces. Bago ito, noong Pebrero 7 ay isang residente rin ng naturang lugar ang tinamaan sa istraping ng mga sundalo ng naturang yunit militar. Noon namang Enero 29, tatlong residente ng Panialum at Paquibato, kabilang ang isang lokal na lider ng simbahan ang pinagbubugbog ng mga sundalo ng naturan ding yunit. Apat namang myembro ng Paquibato District Peasant Alliance na residente ng Barangay Mapula, Paquibato ang binugbog ng mga sundalo noong Enero 27.
Pebrero 3. Sinalbeyds ng mga elemento ng 53rd IB si Tony Antubo, 30, isang magsasaka na taga Sityo Madagas Metsamaya,Barangay Gibo, Siayan, Zamboanga del Norte. Ito'y bilang ganti sa pananambang ng BHB-Front Feliciano sa naturang yunit ng militar. Iligal ding inaresto ng militar ang asawa niyang si Desyl at ang nakatatandang kapatid ni Antubo na si Ricky. Isinama rin ng mga sundalo ang sanggol na anak ni Desyl. Para pagtakpan ang kanilang krimen, pinalalabas ng AFP na ang tatlo ay mga myembro ng BHB.
