by Pesante-USA
Tuesday, Aug. 25, 2009 at 12:19 PM
magsasakapil@hotmail.com 213-241-0906 337 Glendale Blvd. Los Angeles, CA 90026
Ibinabalita ngayon ayon sa mga nalikom na balita ng Pesante New na lumulubha ang paglabag sa karapatang pantao sa mga isla ng Samar at Leyte. Ito ang iniulat ng mga grupong pangkarapatang pantao sa Pilipinas.
Ang mga abusong militar diumano ay dahil sa sa sunud-sunod na kabiguan ng militar na puksain ang rebolusyonaryong kilusan sa Eastern Visayas, ipinatutupad dito ng 8th Infantry Division ng Philippine Army (8ID-PA) ang mababagsik na operasyong militar na bumibiktima sa maraming sibilyan.
dsc_0070.jpg, image/jpeg, 3008x2000
PESANTE NEWS
Agosto 24, 2009
Paglabag sa karapatang-tao sa Leyte at Samar, Lumulubha
Los Angeles-- Ibinabalita ngayon ayon sa mga nalikom na balita ng Pesante New na lumulubha ang paglabag sa karapatang pantao sa mga isla ng Samar at Leyte. Ito ang iniulat ng mga grupong pangkarapatang pantao sa Pilipinas.
Ang mga abusong militar diumano ay dahil sa sa sunud-sunod na kabiguan ng militar na puksain ang rebolusyonaryong kilusan sa Eastern Visayas, ipinatutupad dito ng 8th Infantry Division ng Philippine Army (8ID-PA) ang mababagsik na operasyong militar na bumibiktima sa maraming sibilyan.
Sa Pulo ng Leyte.
Sa 16 na baryong saklaw ng mga bayan ng Burauen, Lapaz, MacArthur at Baybay ay pinagbabawalan ng militar ang mga residente na pumunta sa kanilang bukirin. Ang iilang pinapayagan ay dapat hindi lumayo nang mahigit 30 metro mula sa kanilang tahanan.
Nililimitahan ng militar ang pagbili ng bigas mula dalawa hanggang tatlong gatang lamang sa bawat pamilya kada araw. Sinisira ang mga bahay na nadadaanan ng mga sundalong nag-ooperasyon at binubunot ang mga tanim ng mga magsasaka. Inaaresto at binubugbog ang ilang sibilyan, idinedetine at isinasailalim sa interogasyon sa kampo ng militar at pilit na pinapagiya sa mga operasyon. Walang patumanggang binobomba at iniistraping ang kabundukan ng mga naturang bayan gamit ang mga 105 mm na kanyon at dalawang helikopter.
Pwersahang pinapalikas ng militar ang mga residente ng Barangay Cagbana at Barangay Lanawan patungong bayan ng Burauen. Kinatulong ng 8th ID-PA si Fe Renomeron, alkalde ng Burauen, sa pagpapakalat ng kasinungalingan na mga nagsisukong myembro umano ng BHB ang mga residenteng nagbakwit mula sa dalawang baryo.
Sa Isla ng Samar.
Noong Hunyo 4, binugbog ng nag-ooperasyong tropa ng 34th IB sina Juanito Dacles, 39, kagawad ng Barangay San Andres, Motiong; at si Prudencio Gabiana, 48. Alas-7:15 ng umaga nang biglang damputin si Dacles ng mga militar habang nagtatrabaho sa kanyang bukirin. Dinala siya sa kanyang kubo at doo'y binugbog. Hinampas ang kanyang binti ng kahoy hanggang ito ay mabali. Hindi pa nasiyahan, ninakaw pa ang itak at pitaka ni Dacles.
Nadaanan din noon ng militar si Gabiana sa kanyang bukirin. Tinadyakan siya sa tiyan hanggang sa maihi siya sa tindi ng sakit. Binantaan si Gabiana na papatayin siya kapag hindi niya ibinunyag ang mga pangalan ng mga dumadaang kasapi ng BHB. Habang iniimbestigahan siya, nakatutok sa kanya ang dalawang ripleng M16.
Samantala, inaresto ng militar nang walang mandamyento ang tatlong kapitan ng barangay sa Samar noong Pebrero 10. Nakilala ang mga biktima na sina Marito Igdalino ng Barangay Pusongan, Motiong; Jemie Caburubyas ng Barangay Angyap, Motiong; at Renato Fabilar ng Barangay Tutubigan, Paranas.
Bago pakawalan ay isinailalim ang tatlong upisyal ng baryo sa pitong oras na interogasyon ni Brig. Gen. Francis Lanuza, hepe ng 801st Bde. Pinagbibintangan silang mga tagsuporta ng BHB.
********
