IPAGLABAN ANG KATARUNGAN PARA KAY NICOLE, IPAGTANGGOL ANG DANGAL NG BAYANG PILIPINAS!

by Pesante-USA Saturday, Jan. 06, 2007 at 8:01 PM
magsasakapil@hotmail.com 213-241-0906 337 Glendale Blvd. Los Angeles, CA 90026

Naninindigan ang Pesante-USA na kung ang soberanya at legalidad ang pag-uusapan, lahat ng mga balibagan ng katumpakan at kamalian ng usapin hinggil sa paglilipat ng may-salang marinong si Daniel Smith sa U. S Embassy, ang tunay na esensya ng usapin ng panggagahasa kay Nicole ay talagang matatabunan. Tunay na makakaligtaan ang isang Pilipina ang nagdurusa dahil sa tahasang kawalang katarungan at pagpapatuta ng gobyerno ng Pilipinas. Ang inapi, inalipusta at hanggang sa ngayon ay binubusabos ng sarili niyang gobyerno, ang kababayan nating si Nicole.

IPAGLABAN ANG KATARUNGAN PARA KAY NICOLE, IPAGTANGGOL ANG DANGAL NG BAYANG PILIPINAS!
by Pesante-USA 2007-01-06 10:29 AM +0800
IPAGLABAN ANG KATARUNGAN PARA KAY NICOLE, IPAGTANGGOL ANG DANGAL NG BAYANG PILIPINAS!

Los Angeles -- Naninindigan ang Pesante-USA na kung ang soberanya at legalidad ang pag-uusapan, lahat ng mga balibagan ng katumpakan at kamalian ng usapin hinggil sa paglilipat ng may-salang marinong si Daniel Smith sa U. S Embassy, ang tunay na esensya ng usapin ng panggagahasa kay Nicole ay talagang matatabunan.

Tunay na makakaligtaan ang isang Pilipina ang nagdurusa dahil sa tahasang kawalang katarungan at pagpapatuta ng gobyerno ng Pilipinas. Ang inapi, inalipusta at hanggang sa ngayon ay binubusabos ng sarili niyang gobyerno, ang kababayan nating si Nicole.

Mali mula Umpisa Hanggang Wakas.

Sa umpisa pa lamang ng kaso, nagsabwatan na ang gobyerno sa pamamagitan ng piskalya ng Olongapo, ng Departamento ng Inhustiya sa pagtatakip sa kaso. Kaagad na iniligpit ang maselang testigong si Timoteo Soriano na matatala sa kasaysayan ng Pilipinas isa sa mga pinakatraidor sa dilang traydor sa kanyang lahi. Masahol pa siya kay Januario Galot na nagkanulo kay Heneral Del Pilar sa Pasong Tirad at sa mga MAKAPILING nakabayong noong panahon ng Hapon sa kanyang pagkakaila sa kanyang kababayan.

Ngunit mas masahol pa sa nakabayong na MAKAPILI ang mga tagausig ng DOJ na sa halip na ipagtanggol, nais pang ibenta ang kaso sa pagpupumilit na magpaareglo na lamang ang biktima at pamilya nito. Mabuti na lang at may dangal at dignidad ang pamilya at nanadindigan di tulad ng palasukong mga tagausig sana ng DOJ.

Sumunod ang urong sulong na huwes na nagpatali na lamang sa kung ano ang sinasaad ng batas.. Paano nga naman, ipinahayag na may sala ang isa, pinawalan na lamang ang tatlong marino sa tuwa ng kanilang embahada.

Kaya nga hindi kami sumangayon na natamo na ang hustisya. Ni wala ito sa kalahating nais matamo ng sambayanan. Kaya lang makatwiran lamang ang sinabi ng ina ng biktima na kay baba pala ng halaga ng puri ng Pilipina sa panahong ito. Ang bayad pinsala ay halos halaga lamang ng pangtaksi lamang niya

Ngunit tunay na arogante at mapaniil ang mga imperyalista. Hindi sila pumayag na magdusa ang kahit isa sa kanilang mga sundalo sa piitan ng Pilipinas. Kaagad nitong brinaso ang gobyernong Arroyo na kaagad bumigay at nagtanggol pa sa amo nilang Kano!

Kaya’t walang nagawa ang Court of Appeals. sinikap na lamang nitong hilutin ang anumang pangiisulto ng opisina ng Pangulo sa kanilang hurisdiksyon. Sa wari, pinagbigyan ang bawat-panig, ginawang “moot and academic” ang usapin dahil inunahan na sila ng Pangulo at ng mga alipures nito sa paglilipat ng custody ni Smith sa U.S Embassy.

Tradisyon ng Pagiging Busabos

Wala itong pinag-iba sa mga kompromiso sa ating kasaysayan. Noong matapos ang Ikalawang Digmaang Pandaigdig, kaagad na pinatawad ni President Manuel Roxas ang lahat ng nasasakdal dahil sa paggiging kolaborator sa mga Hapon. Unang –una dahil siya ang kaporal ng mga kolaborator ng mga Hapon.

Noong panahon ni ama ni Gloria Macapagal, pinatapon agad ni Disodado si Harry Stonehill para walanmg madamay kung kakanta man o magdadawit ang businessman sa kaso niyang korupsyon sa gobyerno.

Mula noong 1946, sa 3,000 kaso laban sa mga Amerikano, wala man lamang ni isa ang nakarating sa korte o nahatulan.

Ngayon ang kaisa-isang kaso na may nahatulan ay mapupurnada pa. Tunay na mailap ang katarungan para kay Nicole at sa lahat ng kababaihang Pilipina na pinagsamantalahan ng mga dayuhan.

Tunay na hindi garantiya na ang kahit na babae ang maging pangulo, na ipagtatangol nito ang kapwa niya babae laban sa pagsasamantala. Mas nanaisin pa nitong maging tagapagtanggol ng dayuhan kaysa manindigan sa kung ano ang tama at makatarungan para sa kanyang bansa.

Dapat lamang nating suportahan, ipagtanggol at ipaggumiitang matamo ang katarungan para kay Nicole at panagutin si Smith sa batas ng Pilipinas. Kailangang ipagtanggol ang ating mga kababaihan at ang dangal ng ating lahi at ng inang bayan!


Philippine Peasant Support Network (Pesante-USA)
Enero 5, 2007